唯美小白屋拍攝
今次拍攝以影片為主，呢間小白貨櫃屋，企係入面真係360度全無死角，屋內屋外每一處都可以拍到好靚的畫面，所以今次拍左一條好唯美的4K影片放到 Youtube 上，睇完記得 CLS 比我
Mr Cardigan 資料
Studio 名稱 : Mr Cardigan (你地用呢個名去Google Search到佢Facebook/ig )
地址 : 大埔汀角路
以前係Cafe現在好似主要租場拍攝，所以如想walk-in去打咭前，最好自聯絡店主睇下有冇開放。 否則就好似我拍攝當天咁，因為我們租場拍攝，再幾位walk-in客人去到門口，都不能入去。同埋疫情期間暫停對外開放，所以只可以包場。
收費: 包場的話按每小時計 (至於收費都係聯絡店主了解)
屋外拍攝環境
落車就可以到門口，門口有一小段用石頭鋪成的小路及一個木圍欄，加上望到間小屋，所以未正式入到場地前，已經係好適合拍攝的位置，所以我都比預約時間，早半小時去到，再拍攝左一陣先正式進入場地。
白色貨櫃屋門前及側邊，都擺設了餐台椅及不同大小的植物。無論係門前拍攝或坐在側邊既台椅上，都可以拍到好美的畫面，而店主更換上新鮮的滿天星在台上，就咁坐係外面，已經夠拍攝好一輪的影片了。
屋內拍攝環境
屋內都係全屋白色牆身，玻璃牆方面有貨櫃短身的一邊，一整執落地大玻璃，加上半透光的窗廉，都非常唯美感覺。
另外坐係格仔玻璃窗一邊時，立即變到好似去左歐式Cafe Shop咁，陽光透住玻璃，打落台面及人身上，冬日的溫暖。
後記我的拍攝器材
相機 :
A Cam : Sony A7 IV 及 16-35 F4 PZ
B Cam : Sony a7R V 及 70-200 2.8 GM II
影片中有wide shot就係用 A Cam拍，至於 Closeup 就係支長鏡
A Cam長期插住係Gimble所以影像都好定，而 B Cam就手拎拍攝，今次真係試到部a7R V加鏡頭一齊既防震，有d長鏡畫面，手持拍攝都可以好穩定，而支70-200 GM II 係4支可以係a7R V加強穩定既鏡頭之一 (記住要upgrade 你支鏡上 2.0先可以)
拍攝時間中午至黃昏，中午時因為兩面玻璃都對住大陽，所以屋內都陽光充沛沒需要特別補光，但接近黃昏前，因為太陽光不能直射入屋，所以都要加支LED係屋內，否則人物會少少暗。
我的個人介紹
Chris Pang
全職廣告平面及3D設計師，Freelance 攝影師
因為工作性質，所以成日都離唔開Photoshop同攝影，平日工作以外，都會假期時接拍婚紗攝影或個人攝影頂目
攝影作品可以到我 instagram
https://www.instagram.com/chriskcpang/
而影片作品可以到我 Youtube
https://www.youtube.com/@chriskcpang/videos
(記得Flow 同 Like多d呀)
Tell us about your thoughtsWrite message