陽光綻放 愛在夏日太陽花 今年夏天真係好熱，不過都無阻大家對攝影既熱愛既，我自己都係第一次影太陽花的，但原來要空擴又烈日當空，都不是太容易。 器材方面，我用Sony a7R V 相機及一定 16-35 PZ F4 鏡頭。 花比人高的話怎樣取景好 反而心得真係有幾點要講講的，第一次去到花田，更係好開心咁衝入田中間啦，不過因為花太高，影左一陣之後發覺，視野唔係太多。 好多時會影到左右兩邊都好多綠色。 所以如果花比人高很多的話，在入口附近影就好了。 花的高度不超過人時 下面就係花在心口位置左右， 無論攝影師的位置是企田的一行行中間，或是同Model分開兩行來影，你就會影到身後都是一片太陽花的了。 遇著花只有半身高時 應該一張相已經講出心聲了，就是要你的Model 蹲下身，因為企起身看會很平平無奇，但一蹲下來，就有一整片的花在你身後了。 我的個人介紹 Chris Pang 全職廣告平面及3D設計師，Freelance 攝影師 因為工作性質，所以成日都離唔開Photoshop同攝影，平日工作以外，都會假期時接拍婚紗攝影或個人攝影頂目 攝影作品可以到我 instagram https://www.instagram.com/chriskcpang/ 而影片作品可以到我 Youtube https://www.youtube.com/@chriskcpang/videos
今次同大家分享的影片，係沙灘既JK服女孩。 事原係早前去完日本拍櫻花(可睇番我既舊文章)，係電車上遇到個好吸引的JK女仔，當然唔敢直接問佢可唔可以影相啦，容咩易變左痴漢。 （先欣賞下沙灘既4K唯美影片) https://youtu.be/7vUAnUqFQx8 請一下器材先啦 相機 : Sony a7R V鏡頭 : Sony 50mm F1.8 GMGimbal : DJI Ronin RSC 2 因為已經係下午6點幾拍，所以黃昏及好快入黑，都係用自然光拍攝為主，光圈自然有咁大開咁大先啦。 一開始我都會拍女仔大頭同慢慢開眼的，總會覺得眼係靈魂之窗，慢動作下漸漸打開雙眼，靈魂連接。 另外有一個動作，360度圍繞住個人轉動拍，都係我最鐘意既，初期水平咁轉，去到差唔多一圈時，有少少低炒角度，加上Model真係做得好好，好有感情的。
沉浸式體驗及輕鬆拍出電影感 – 銀座Art Aquarium 金魚藝術館 Art Aquarium Museum介紹 為於東京銀座的 Art Aquarium Museum , 於銀座三越八樓 (但記住入口位於九樓) 而且要座升降機先上到九樓的。 開館一年，會定期推出不同以金魚為主題的展覽，我3月櫻花時期拍攝，當時的主題是百花亂華，而寫文時(4月尾了)，已經轉左做紫陽花主題，所以你每隔一段時間去，都有唔同主題睇到。 場地輕鬆的拍出電影感影片 場地有好多不同色彩的光效，如果你巧妙運用的話， 就好易拍到電影感，好似下面我係從影片中cap圖出黎，你可以去我上面youtube睇番，Model從一塊塊的金魚牆行過，我一路影，在我背後看到我拍攝的遊客，都在話Cinematic (電影感) signature 招牌大燈龍金魚缸 去到場地中間，就係佢既招牌位，現在係一個巨大燈籠魚缸，會不斷的變換色彩，兩旁係一些日本紙鶴, 好多人都會係魚缸前，慢慢等色彩變動，已經好夢幻。另外其實係背面影時，天花有支射燈為面補光的，不過我就唔係太鐘意，所以如果你想拍攝個人比較光d，不防去後面影。順便提一下大家，館內是禁止閃光燈的，連手機閃光燈都唔比用架。 不同造型的小魚缸，也可作補光燈。 上面都講過，館內禁止閃光燈的，但又好暗，如果想拍到好的人像，就要善用魚缸的光線了，你可以慢慢觀察佢既變化，我個人就唔鐘意綠色，因為反映到面上時，好青色唔好睇，咁佢有白光，紫光藍光等，其實有色的光線都好靚。 攝影前的準備 從這張相中看到，我用的係Sony a7R V, 鏡頭係50mm f1.2 就算咁大光圈既鏡頭，都要用到ISO3200 來拍，如果你帶支2.8光圈或4光圈，你就要接受到要影ISO12800既影像， Noise一定會好爆的。所以最好帶定大光圈好d。 好似已後一張相咁，你見到好似好光，但其實呢張相之前，Model係對住我的，但就算以Sony部機話黑暗環境有好對焦表現，我相機當時都一直在迷焦中。 後記 今次東京之行，去左兩間這類沈浸式體驗館，一間係這裡，另一間係TeamLab, 以TeamLab的知名度，相信大家都會覺得一定要去，但我拍完片之後覺得，TeamLab比這裡更難拍到好的影片。 一來TeamLab真係比呢到仲要黑同光差大，係同樣不能補光之下，金魚館要找環境光相對容易。 另外就係人流方面，這裡如果你有時間，人流又唔算多(但其實都多人)，你可以慢慢拍的。 下次我去東京，我都想再去的。
日本增上寺櫻花人像影片 2023年日本終於開關，一直都想去拍攝櫻花有關的題材，終於都可以出發去日本了。 我拍攝的日期在3月29號，雖然已經提前了到日本，但今年太暖了，櫻花再早幾日已經滿開了。 今次先分享的是在芝公園內的增上寺中拍攝，這裡可以看到東京鐵塔，又有古典的寺院景色。 Youtube 有我這次的4K 60P影片 入到去寺廟中間，四邊都好多櫻花樹，找一些角度望到鐵塔，真係點影都咁靚。 就算望唔到鐵塔的地方，只要有櫻花，都已經係一片美景 仲有一些影到寺廟，都係一個好好的構圖，既有日本的傳統，又有日本的櫻花。 寺入面仲有一些好可愛的地藏菩薩，果然是一個卡通王國，連菩薩都咁可愛。 我的個人介紹 Chris Pang 全職廣告平面及3D設計師，Freelance 攝影師 因為工作性質，所以成日都離唔開Photoshop同攝影，平日工作以外，都會假期時接拍婚紗攝影或個人攝影頂目 攝影作品可以到我 instagram https://www.instagram.com/chriskcpang/ 而影片作品可以到我 Youtube https://www.youtube.com/@chriskcpang/videos (記得Flow 同 Like多d呀)
唯美小白屋拍攝 今次拍攝以影片為主，呢間小白貨櫃屋，企係入面真係360度全無死角，屋內屋外每一處都可以拍到好靚的畫面，所以今次拍左一條好唯美的4K影片放到 Youtube 上，睇完記得 CLS 比我 Mr Cardigan 資料 Studio 名稱 : Mr Cardigan (你地用呢個名去Google Search到佢Facebook/ig ) 地址 : 大埔汀角路 以前係Cafe現在好似主要租場拍攝，所以如想walk-in去打咭前，最好自聯絡店主睇下有冇開放。 否則就好似我拍攝當天咁，因為我們租場拍攝，再幾位walk-in客人去到門口，都不能入去。同埋疫情期間暫停對外開放，所以只可以包場。 收費: 包場的話按每小時計 (至於收費都係聯絡店主了解) 屋外拍攝環境 落車就可以到門口，門口有一小段用石頭鋪成的小路及一個木圍欄，加上望到間小屋，所以未正式入到場地前，已經係好適合拍攝的位置，所以我都比預約時間，早半小時去到，再拍攝左一陣先正式進入場地。 白色貨櫃屋門前及側邊，都擺設了餐台椅及不同大小的植物。無論係門前拍攝或坐在側邊既台椅上，都可以拍到好美的畫面，而店主更換上新鮮的滿天星在台上，就咁坐係外面，已經夠拍攝好一輪的影片了。 屋內拍攝環境 屋內都係全屋白色牆身，玻璃牆方面有貨櫃短身的一邊，一整執落地大玻璃，加上半透光的窗廉，都非常唯美感覺。 另外坐係格仔玻璃窗一邊時，立即變到好似去左歐式Cafe Shop咁，陽光透住玻璃，打落台面及人身上，冬日的溫暖。 後記我的拍攝器材 相機 : A Cam : Sony A7 IV 及 16-35 F4 PZ B Cam : Sony a7R V 及 70-200 2.8 GM...
今次選擇左係西九巨型聖誕樹下，拍攝一些節日氣氛的相片及短片，主要去左兩次，一次實地視察下，需要什麼器材，第二次就搵Model朋友去影。 https://youtu.be/4f3bFz7Yss8 要大家有精神看落下，點都要有d靚影片比大家精神一下先，如果要睇呢條4K影片，歡迎到我Youtube Channel https://youtu.be/4f3bFz7Yss8 影片係用Sony a7R V 拍攝的，今次部機AI追焦同夜間低光，都真係做得幾好，你地會見Model 背面時，相機都一路追住。 要幾大光圈先叫夠 現場大約好似見到如4光圈咁上下啦，但如你要影埋人，一定要將環境光都Cover到個身先得，咁最後我揀用最大光圈F1.2黎影，但面上既光都唔足夠，所以帶多支補光燈 輕巧方便的補光棒 設定好色溫在3500，去到一些面部都吸唔哂環境光時，用他來補人面光，見到相片中發光部份，你係見唔到光點的，所以補光效果唔錯。 好似巨型聖誕樹做背景時，真係成塊LED Wall咁，個人就好暗，附近d燈飾都唔夠補光，我就用叱支棒棒去補光，同埋有時聖誕樹會變唔同顏色，我都係用佢打走d紅紅綠綠面光。 給大家欣賞今年聖誕相 如果喜歡我作品，歡迎Follow我 ig 同 youtube Youtube : https://www.youtube.com/channel/UC4Dv-6EV-zjlHDM9faQOvvg Instagram : https://www.instagram.com/chriskcpang/
早排有間純白Studio邀請去佢Studio影相，咁我睇完佢可以用既器材，同全間Studio都係純白色。 就構思一下，不如都影一輯活用佢有既野， 影全白既相。 而個窗影都係拆左佢Studio牆上的窗架做出來。 Model ： Shirley Lau https://www.facebook.com/shirley.lau.5680?locale=tw_TW https://www.instagram.com/sh.shirleyy/ 最難處理應該都係個窗投影，究竟窗框同支燈應該點樣設置最好呢，點解好多時會打到無左個影呢？等等 睇番當日影相時的Setting，我用左三支燈光的 《Key Light》 首先係Key Light, Key Light窗框前面，模擬番日光，將影打到窗上的效果，今次用一個Bare Hard, 即係裸燈頭，連聚光罩都唔用，下面我會用一些3D模擬軟件，解釋一下。 以上就係Bare Hard時見到陰影，會因為燈光硬好多，所以清楚見到窗框中間的柱位。 燈上加裝有 Reflector 反光罩的話，窗框的陰影，已經散開及就快分唔出光同影的分別。 最後我選擇用Bare Hard 同兩支 C-Stand夾起個窗框，係牆壁上做出影子。 《Fill Light 1》 因為今輯相，我想係一個玻璃屋咁既環境 (因為Studio全白，所以我想全白全光，但又要特顯有陰影既分別) 所以如果只用一支燈打哂，人物會顯得多左黑位。 係窗框既後面，加左一支燈，主要作用唔係打落人到， 會打落對腳同再前少少，令到腳無咁多黑影。 《Fill Light 2》 最後加個柔光箱係Model 45度位置，補番少少側光同人物正面。 最後附上燈光佈置圖 攝影師資料 攝影師 : Chris Pang 歡迎到我Youtube 或 ig https://www.instagram.com/chriskcpang/ https://www.youtube.com/channel/UC4Dv-6EV-zjlHDM9faQOvvg
構圖學 （學構圖） 首先唔係要強迫大家影相時，要拎把尺要拎圓規角尺去影相，純粹見到最近一套劇有人用構圖去講解劇中的畫面。所以再睇番自已之前的作品，又有幾多會符合所謂的構圖分佈，純娛樂不要太認真呀，但某些規則對攝影，有時又的確是很好看的。 Log Line精選構圖拆解(網上圖片) 九官格 呢d真係上網搵，已經有一千幾百萬個教學啦。但其實我畫呢個九官格有少少唔同，因為網上你搵到既教學，都係每一格平分大細，而我呢個你睇下，係有上同下細d，中間大少少，你再睇睇上面「后翼棄兵」右邊張拿獎杯張圖，其實我想講，呢個九官格，係唔平均的。 所以想教下大家一個心得，九官格係想一個平均及平恆的構圖，以我的相片為例，沙的高度，與人頭頂以上天空的高度一致的。呢個九官格重點在於上及下平均相同，剩下的中間放置你的主體。 至於係唔係次次都要搵把尺去度？我影呢張相時一定無，亦沒有crop相的。 但如影完相片後，下次可以試試，去看天空的高度，同你構圖中的底部，是否相同，如天空太高了，crop一下個天空去，可能就會得出圖中的好平恆的感覺。
Welcome to WordPress. This is your first post. Edit or delete it, then start writing!